АКШнын Мамлекеттик катчысы Энтони Блинкен Москвада ишемби күнү оппозициячыл маанайдагы саясатчылардын убактылуу кармалышын «шектүү негизде» жүзөгө ашырылды, деп баалады.
Today, the Russian government detained almost 200 municipal leaders and politicians, including political activists Vladimir Kara-Murza and Yuliya Galyamina, on dubious grounds. We call for an end to the persecution of independent voices.
— Secretary Antony Blinken (@SecBlinken) March 14, 2021
"Орус бийликтери дээрлик 200гө жакын муниципалдык лидерлерди жана саясатчыларды, анын ичинде жигердүү саясатчылар Владимир Кара-Мурза менен Юлия Галяминаны шектүү негизде кармашты. Биз көз карандысыз үндөрдү куугунтуктоону токтотууга чакырабыз", – деп Блинкен 14-мартта (жекшемби күнү) өзүнүн «Твиттердеги» барагында жазды.
The Kremlin continues to cower in fear of the Russian people. Arresting 100+ opposition activists is a disgraceful sign of weakness, not strength. The Russian people deserve to have their voices heard. https://t.co/JBmyyeVErd
— Senator Bob Menendez (@SenatorMenendez) March 13, 2021
АКШ Сенатынын Эл аралык байланыштар комитетинин башчысы Боб Менендес дагы саясий шериненин катышуучуларынын кармалышын айыптады. Ал муну "күч-кубат эмес, алсыздыктын белгиси" деп атап, Кремль өзү "орус элинен коркот" деген жоромолун кошумчалады.
Буга чейин бир катар орусиялык муниципалдык депутаттар 13-мартта борбор калаадагы «Измайлово Дельта» мейманканасында өтүп жаткан саясий шерине учурунда кармалгандыгы маалымдалган. Ал жерде «Бириккен демократтар» долбоору өлкөдөгү муниципалдык депутаттардын шеринесин өткөрө баштаган болчу.
Такталган маалыматтарга караганда, жалпысынан «Бириккен демократтар» долбоорунун демөөрчүлүгү астында өткөн бул шеринеге келген 193 киши камакка алынды. Залда Орусиянын 50дөн ашык ар кыл аймактарынан келгендер, анын ичинде облустук кеңештердин депутаттары, муниципалдык депутаттар, муниципалитеттердин башчылары жана ар кыл жигердүү саясатчылар бар эле.
Хочется коротко подвести итоги этого безумного дня.Очень круто, что на форум собрался такой сильный состав независимых депутатов. Власти форум сорвали, но все, с кем удалось поговорить после, не были расстроены и уж точно не запуганы. Расчет полиции не удался. pic.twitter.com/fQET0KQo7B
— Андрей Пивоваров (@brewerov) March 13, 2021
Андрей Пивоваровдун "Твиттердеги" жазганына караганда, Орусиянын 52 аймагынан келген жергиликтүү депутаттар жалпысынан 2 миллиондой добуш берүүчүнүн өкүлдөрү болуп саналат.
Орусиянын Ички иштер министрлигинин Москва шаардык башкармалыгынын басма сөз кызматы укук коргоо кызматкерлери баш калаадагы мейманкана комплексиндеги иш-чарада санитардык-эпидемиологиялык талаптарды бузган коомдук уюмдун 200гө жакын өкүлүн кармашканын билдирген.
Бирок жыйындан жарыяланган сүрөттөрдө форумдун дээрлик бардык катышуучулары беткап кийип жүргөндүгү айгинеленет.
Шеринеге катышкандарга "жарамсыз уюмдар" менен байланышкан кишилер менен чогуу жыйында болду деген кине да коюлган. Убактылуу кармалгандарга «жарамсыз уюм уюштурган иш-чарага катышты» деген берененин негизинде протоколдор түзүлдү.
Кремль увидел в съезде мундепов в Москве создание партии Ходорковского из легально избранных представителей власти.Ходорковский vs Путин
— Алексей Венедиктов (@aavst) March 13, 2021
"Эхо Москвы" үналгысынын башкы редактору Алексей Венедиктов бул шериненин таркатылышынын артында Кремль турат деп божомолдоп жатканын айтты. Анын пикиринде, бул курултайдан Кремль "бийликтин мыйзамдуу жол менен шайланган өкүлдөрүнүн курамын колдонуу менен Ходорковскийдин партиясын түзүү" далаалатын көргөн.
Азырынча расмий Кремль бул кармоолор жана ага карата пикирлер жаатында өз турумун билдире элек. (TT)