Кыргызстандагы жаштар арасында жапон маданиятына кызыгуу артып баратат. Мындан беш жыл мурда кыргыз жаштарынан жапон элинин барабанында (же “тайкодо”) ойногондордун тобу түзүлүп, алар аны “Ooedodaiko” деп атап алышкан эле. Алар ошондон бери эки концерт берип, былтыр тажрыйба алмашууга Жапонияга да барып келишти. Кыргыз жаштарынын бул тобу 7-мартта “Сейтек” борборунда кезектеги концертин беришти.
“Ooedodaiko” тобунун лидери Бексултан Бабаяров: “Биз азыр барабанчылардын жаңы тобун даярдап жатабыз. Алар жакында, май айында, экзамен тапшырып, андан ары биздин катарга кошулат. Биздин топтун негизделгенине беш жыл болду.”
