Министрлер кабинетинин төрагасынын орун басары Эдил Байсалов аялдардын диний уюмдарынын өкүлдөрү менен жолугушуу өткөрүп, аялдарга каршы зомбулукту токтотуу жана алардын укуктарын коргоо боюнча маселени талкуулады.
Өкмөттүн басма сөз кызматы кабарлагандай, жыйында зордук-зомбулуксуз коомду түзүү үчүн мамлекеттин, жарандык коомдун жана диний жамааттардын бирге иштеши маанилүү экени айтылды.
Соңку жылдары Кыргызстанда аялдарга жана балдарга каршы үрөй учурган зомбулук фактылары катталууда.
Ички иштер министрлигинин (ИИМ) маалыматына ылайык, Кыргызстанда 2024-жылдын 10 айында ички иштер органдарынын маалыматтарды каттоо электрондук журналына 14 293 үй-бүлөлүк зомбулук фактысы катталган. Бул 2023-жылдын ушул мезгилине салыштырмалуу 37,2% же 3 877 учурга көп (былтыр 10 айда 10 416 факты катталган).
Былтыркы жылдын 12 айы боюнча маалымат азырынча чыга элек. (BTo)
Дагы караңыз
Байден АКШда "кооптуу олигархия" түзүлүп жатканын айттыИзраил ХАМАС келишимди "кайра карап чыгууга аракет кылып жатканын" билдирдиБишкек мэриясы накталай жол кирени 40 сомго көтөрүүнү кайра сунуштады“Керемет Банк” АКШнын санкциясына каршы арызданганын билдирдиЧек ара кызматы Баткенде курман болгон Ниязовдун жубайына жумуш жана үй сунушталганын билдирдиКазакстанда беш баласы өрттөн каза болгон аялга өкүм чыктыБайсалов өкмөттүн Лениндин Бишкектеги эстелигин алуу планы жок экенин айттыТашиев эки жылда коррупциянын деңгээлин 5-10 пайызга чейин түшүрүү керектигин айтты