Президент Садыр Жапаров 2024-2034-жылдарга Кыргызстанда футболду өнүктүрүүнүн улуттук программасын бекитүү жөнүндө жарлыкка кол койду.
Ага ылайык, бул программаны ишке ашыра турган тиешелүү мамлекеттик органдар жана жергиликтүү бийлик аткарылган иштер тууралуу ар бир жарым жылда Маданият, маалымат, спорт жана жаштар саясаты министрлигине маалымат берип турат. Ал эми министрлик футболду өнүктүрүү боюнча жасалган жумуш боюнча Президенттин администрациясына отчет берет.
Кыргызстандын футбол боюнча улуттук курама командасы Эл аралык футбол федерациясынын (ФИФА) кезектеги рейтингинде 107-орунга түшкөн (210 кураманын ичинен). 28-ноябрда жарыяланган рейтингдин көч башында Аргентина, Франция жана Испания турат. Борбор Азия өлкөлөрүнөн Өзбекстандын курамасы 58-орунга, Тажикстан 104-орунга илинди. Казакстан 110-орунга жазылып, дагы үч тепкичке артка кетти.
Кыргызстан футбол боюнча Дүйнө чемпионатынын тандоо оюндарында Азия чөлкөмүнөн 3-раундга чыгып, Иран, Катар, Өзбекстан, Бириккен Араб Эмираттары (БАЭ) жана Түндүк Корея менен А тайпасында ойноп жатат.
Иран курамасы А тайпасындагы буга чейинки төрт беттешин утуп, Өзбекстан менен тең чыккан. Азыр 16 упайы менен тайпанын сап башында келатат. Экинчи орунда 13 упай менен Өзбекстан турат. Бириккен Араб Эмираттары 10 упай менен үчүнчү орунга жазылса, жети упай алган Катар төртүнчү орунда. Кыргызстан үч упай менен 5-катарда. Эки упайы бар Түндүк Корея акыркы орунда.
2026-жылы АКШ, Мексика жана Канадада өтө турган Дүйнө чемпионатына биринчи жолу 48 курама команда катышат. Бул жолу Азия чөлкөмүнөн Дүйнө чемпионатына катышууга сегиз командага мүмкүнчүлүк берилген. (BTo)
Дагы караңыз
Бишкекте үчүнчү Элдик курултай башталдыКыргыз-тажик чек арасы: Өкмөттүк топтор Дүйшөмбү шаарында жолугуштуCPJ кыргыз бийлигин төрт журналистке коюлган айыпты алып салууга чакырдыПутин Курскиде кармаштар жүрүп жатканын бышыктадыМинистр Ибраев электр энергиясынын баасы май айында көтөрүлөрүн айттыOCCRP: Президент Рахмондун небереси 9 жашында Дубайда кымбат батир алган19-декабрь: Электр жарыгынын баасы кымбаттайт, Израил Йемендин баш калаасына сокку урду