Бишкектин Административдик соту борбор калаадагы троллейбус зымдарын алууну токтотуу боюнча чечимин кайра жокко чыгарды. Бул тууралуу Бишкек мэриясы 28-ноябрда кабарлап, мындай чечимди сот 27-ноябрда кабыл алганын билдирди.
Административдик сот экологиялык активисттердин троллейбус зымдарын алуу боюнча Бишкек шаардык кеңешинин 29-августтагы токтомун жокко чыгаруу өтүнүчүн карап, 22-ноябрда канааттандырган.
Мэрия калаадагы троллейбустарды электробустарга алмаштыра турганын жарыялаган. #SaveBishkekTrolleybus кыймылы жана башка демилгелүү топтор буга каршы чыгып, коомдук транспорттун экологиялык түрүн сактап калууну талап кылышкан.
Мэрия июндун башында Байтик баатыр жана Ахунбаев баштаган көчөлөрдөгү троллейбус зымдарын алган.
Бир катар көчөлөрдө каттап келген троллейбустар каттамы 4-ноябрь күнү Түрк мамлекеттер уюмунун (ТМУ) саммитине байланыштуу убактылуу токтотулганы кабарланып, кайра жанданган эмес. Мэрия муну шаардагы эки троллейбус ДЕПОсунда капиталдык оңдоо иштери жүрүп жатканы менен түшүндүргөн. Маалыматка ылайык, ДЕПОлордо Азия өнүктүрүү банкынын каржылоосу менен электрбустарды кубаттоочу бекеттер орнотулууда. (BTo)
Дагы караңыз
Милицияны видеого тартып, жарыялагандарды жазалоо долбоору биринчи окуудан өттүКыргызстанда орус рублинин сомго карата курсу түшүп кеттиДепутат Дастан Бекешев жолдогу тыгын көйгөйү чечилбей жатканын билдирдиБашкы прокуратура 813 адам мунапыс менен жазадан бошотулганын билдирдиПарламентте мугалимдерге ноутбук алуу маселесин иликтөө талабы коюлдуМилиция Чүйдө 12 мектеп окуучусу таттууга ууланганын билдирди Мурдагы милиция кызматкери Абдисатар уулу 20-январга чейин камалдыДепутат “Яндекс.Таксинин” ишмердигин текшерүү керек экенин айтты