Пакистандын түндүк-батышында шийи жана сунни мусулмандарынын соңку үч күн ичиндеги кагылышуусунан 80ден ашуун адам өлдү. Дагы 150дөй киши жаракат алганын жергиликтүү бийлик өкүлдөрү 24-ноябрда билдиришти.
Хайбер-Пахтунхва провинциясынын Куррам районундагы кагылышуулар 21-ноябрда башталган. Ага шийилер бараткан автоунаага белгисиз куралчан адамдар ок атып, андан кеминде 38 кишинин каза тапканы себеп болгон. Бул чабуул жана райондогу удаалаш кандуу кагылышуулар үчүн эч бир топ жоопкерчиликти ала элек.
Полициянын маалыматына ылайык, үч күн ичинде куралчан адамдар үйлөрдү, дүкөндөрдү жана өкмөттүк имараттары өрттөгөн учурлар болду. Кризисти жөнгө салуу үчүн өкмөттүк делегация аймакка барды.
Reuters жаңылыктар агенттиги жазгандай, Пакистандын Ооганстан менен чек арасына жакын жайгашкан Куррам районунда суннилер менен шийилердин ортосунда мындай араздашуулар жер талаш сыяктуу маселелерден улам утур-утур катталып келет.
Дагы караңыз
Reuters: Украина Курскиде ээлеген жеринин 40% ажырадыӨзбекстанда ок атуу жаңжалынан улам бир катар жетекчилер кызматтан алынды Жалал-Абад облусунда он айда 15 өспүрүм өз жанын кыйдыКыргыз-тажик чек арасы: Бустондогу сүйлөшүүдө тактоо ишин улантуу тапшырмасы берилди Академик Мамбет Мамакеев 97 жашында дүйнөдөн өттү