Бишкектин Төмөнкү жал кичи районундагы Псковская көчөсү №71 дарегинде жайгашкан гараж кооперативинин жерин бошотууда чыккан чыр боюнча Ленин райондук ички иштер башкармалыгы (РИИБ) Кылмыш-жаза кодексинин “Бейбаштык” беренеси менен иш козгоду.
Райондук милициянын басма сөз кызматы окуя болгон жерде абал туруктуу экенин, Бишкек мэриясынын кызматкерлери менен гараждын ээлеринин чырына юридикалык баа берилерин билдирди.
22-ноябрда мэриянын Жерди пайдаланууну контролдоо башкармалыгынын кызматкерлери Псковская көчөсү №71 дарегинде жайгашкан гараж кооперативинин жерин бошотуу үчүн барган. Мэрия гараждын ээлери башкармалыктын кызматкерлерине бензин чачып, “Тазалык” муниципалдык ишканасынын кызматтык автоунаасы жана атайын техникасы да жабыркаганын кабарлаган.
Мэриянын муниципалдык жерде жайгашкан деген менчик гараждарды алуу аракети алардын ээлеринин нааразылыгына туш болуп келе жатат. Гараж ээлери кооперативге өткөн кылымдын жетимишинчи жылдарынан бери мүчө экенин, мүчөлүк акысын калтырбай төлөп жүрүшкөнүн, шаар башкармалыгынын аракети мыйзамсыз экенин айтып, нааразылык билдирип келет.
Мэрия Кыргызстандын “Жер кодексине” ылайык жеке же мамлекеттик менчик катары расмий катталбаган жер тилкелеринин баары муниципалдык менчик болуп эсептелерин эскерткен. (BTo)
Дагы караңыз
Жогорку Кеңештин экс-депутаты Канатбек Исаев кармалдыУкраинада дрон соккусунан эки киши каза болду, 12 киши жараат алдыКыргыз-тажик чек арасында кайрадан жер силкиндиАКШ "Газпромбанкка" каршы санкция жарыяладыЗеленский НАТОнун баш катчысы менен согушка аралашкан Түндүк Корея аскерлерин талкууладыОрусияда кыргызстандык жаран терроризмге айыпталып соттолду17 жаштагы Дарьянын өлүмү боюнча ишти прокуратура көзөмөлүнө алдыПакистанда куралдуу кол салуудан кеминде 46 киши каза болдуБишкектин Жал кичи районунда гараждын жерин бошотууда чыр чыкты