Тышкы иштер министрлиги (ТИМ) Кыргызстандын 71 949 жараны Орусияда миграциялык мыйзамдарды бузуп жүргөнүн билдирди.
Мекеменин маалыматына ылайык, алар Орусиянын Ички иштер министрлигинин маалымат базасында эмгектик же жарандык-укуктук келишим түзгөндүгү, бармак изин каттоодон жана медициналык текшерүүдөн өткөндүгү, миграциялык каттоого тургандыгы жөнүндө маалыматы жок адамдар.
Министрлик Орусиянын аймагында мыйзамдуу жүргөнүн тастыктаган жарактуу документи барлар эми бул өлкөнүн Ички иштер министрлигинин миграция маселелери боюнча аймактык бөлүмдөрүнө кайрылышы керек экенин кабарлады.
ТИМ Орусияда миграциялык мыйзамдарды бузуп жүргөн мигранттардын тизмесин жакын арада https://migrant.kg порталына жайгаштырат.
Министрлик 2025-жылдын 5-февралынан тартып Орусияда “Россия Федерациясындагы чет элдик жарандардын укуктук абалы жөнүндө” мыйзамга киргизилген өзгөртүүлөр да күчүнө кирерин эскертти. Ага ылайык, Орусияда мыйзамсыз жүргөн мигранттар өлкөдөн чыгарылат.
Cоңку расмий маалымат боюнча, Орусияда 400 миңдей кыргызстандык мигрант бар. (BTo)
Дагы караңыз
Беларуста дагы 32 саясий туткунга ырайым берилдиУкраина Орусиянын жапырт ракеталык чабуулуна кабылганын билдирдиТИМ Украинадагы кыргызстандыктарды убактылуу сыртка чыгып турууга чакырдыУКМК Ташиевге кайрылган эже-сиңдинин батир маселеси чечилгенин билдирдиАкын, “Азаттыктын” журналисти Бурулкан Сарыгулова Алыкул сыйлыгынын лауреаты болдуЖКда мугалимдерге каршы укук бузууларга айыпты көтөрүү сунушталды“Апрелчилер” СД партиясынын камактагы мүчөлөрү боюнча президентке кайрылдыМобилдик тиркеме аркылуу акча которууда комиссия алуу убактылуу токтотулат