Жогорку Кеңештин айрым депутаттары парламенттин 21-ноябрдагы жыйынында мугалимдерге каршы укук бузууларга айып пулдун көлөмүн көбөйтүү демилгесин көтөрдү.
Депутат Мирлан Самыйкожо Укук бузуулар жөнүндө кодекс боюнча мугалимдин кадыр-баркына шек келтиргендерге 1000 сом айып пул салынарын айтып, анын суммасын көтөрүү керек экенин билдирди.
“Эртең дагы бири келип мугалимдин чачын жулуп кетет. Бул токтобойт. Окуучулар шылдың кылат. Ошондуктан өкмөт мыйзам долбоорун алып келсинчи”, - деди ал.
Ушундай эле маселени дагы бир депутат Кундузбек Сулайманов да көтөрдү.
6-ноябрда социалдык тармактарда бир аял мугалимди урушуп жатканы тартылган видео тараган. Анда окуучунун апасы мугалим баласын урушканын айтып, “300 сомумду бер” деп акча алганын көрүүгө болот. Мугалим ыйлап, “берген белегине ыраазы экенин, ал эч кимге жаман сөз айтпаганын” билдирген.
Билим берүү жана илим министрлиги окуя Бишкек шаарындагы №57 мектепте болгонун билдирип, “мугалимге ыдык көрсөтүү, анын беделин түшүрүүгө аракет кылуу – жол берилгис көрүнүш” деп маалымат тараткан.
Окуучунун апасы журналисттерге мугалим башка мектептен жаңы гана которулуп келген кызын урушканын айтып, ушундан улам жаңжал чыкканын билдирген.
Президент Садыр Жапаров 20-ноябрда педагогикалык кызматкерлерге “Жылдын мыкты мугалими” жана “Мыкты тарбиячысы” сынагынын жеңүүчүлөрүнө сыйлык тапшыруу иш-чарасында №57 мектепте окуучунун апасы мугалимди урушкан окуяны сынга алган. (BTo)
Дагы караңыз
Абактагы Ташовдун кыйноого кабылганы тууралуу арызын УКМК да иликтеп жататКамчыбек Ташиев төрт жылда мамлекетке 125 млрд сом өндүрүлгөнүн айттыТИМ Украинадагы кыргызстандыктарды убактылуу сыртка чыгып турууга чакырдыУкраина жана Орусия ондогон дрон чабуулуна кабылганын билдиришти20-ноябрь: УКМК Жамгырчиевди суракка чакырды, Газада кеминде 15 кишинин өмүрү кыйылдыКамчыбек Ташиев "пара алган элчи" камаларын айтты