Онкологиялык жана гематологиялык оорулар менен жабыркаган балдарга жардам иретинде Бишкекте "Кан тапшырып, өмүр тартуула" деген аталышта акция өтөт.
Иш-чара 21-ноябрда Бишкектеги Hyatt Regency Bishkek мейманканасында болот.
Ыктыярчылар биримдигинин маалыматына караганда, акция 20-ноябрь - Эл аралык балдар күнүнүн алкагында уюштурулуп жатат.
Акцияны Ыктыярчылар биримдиги, Help the Children кайрымдуулук фонду уюштурууда.
Расмий маалыматтарга караганда, Кыргызстанда жыл сайын 200дөй баладан рак аныкталат.
2023-жылы мамлекет онкологиялык оорулуу балдарды химиялык дарылоого 100 млн сом берген.
Бир бейтаптын алгачкы дарылоосуна орточо 500 миң сом сарпталат. (ZKo)
