Орус өкмөтү аскер кызматкерлерине, анын ичинде Украинадагы согушта алган жаракаттары үчүн бир жолку берилчү төлөмдөрдүн жаңы тартибин бекитти. Өкмөттүн токтомуна ылайык, эми төлөмдөрдүн өлчөмү жаракаттын оордугуна жараша болот.
Буга чейин аскерлерге алган жараатына карабай үч миллион рубль төлөнөрү айтылып келген. Эми бул сумма оор жарадар болгондорго гана төлөнөт. Жеңил жараат алгандарга бир млн берилет. Ал эми анын класификациясы өкмөттүн 1998-жылдын 29-июлундагы №855 токтомуна ылайык аныкталат.
Контузия жана тизмеге кирбеген башка жаракаттар үчүн 100 миң рубль төлөнөт.
Эгер аскер кызматкери согушта каза болсо мурдагыдай эле 5 млн рубль, жараатына байланыштуу иштен алынгандарга жылына бир жолу 3,2 млн рубль берилет деп көрсөтүлгөн.
Талдоочулар Орусия армия менен келишим түзгөндөргө, жаракат алган же каза болгон учурда ири төлөмдөрдү убада кылуу менен мобилизация жарыялоодон качып, куралдуу күчтөрүнүн катарын толуктап жатканын белгилешет.
Дагы караңыз
Ондон ашуун медиа жалаа үчүн жоопкерчилик киргизүү долбоору боюнча парламенттик угуу өткөрүүнү сунуштады ЖМК: Сахалинден кыргызстандык жана тажикстандык мигранттар чыгарылдыСот Султанбековду, Карамушкинаны, Түрксеверди эки айга камады Акылбек Жапаров Жетим-Тоо, Кызыл-Омпол кендерин иштетүүгө каражат табылганын билдирди