Орусияда узак мөөнөткө эркинен ажыратылган крымдык төрт татардын өкүмүнө каршы Жогорку сотко жазган апелляциялык арызы четке кагылды. Бул тууралуу бүгүн 20-сентябрда адвокат Эмил Курбединов билдирди.
Төртөөнө тең экстремизмге байланыштуу айып тагылган, баары мындай кине коюлушун мыйзамсыз деп аташкан.
Сейтумер Сейтумеров, Осман Сейтумеров, Амет Сулейманов жана Рустем Сейтмеметов — Украинанын Орусия ээлеп алган Крым аймагынын тургундары. 2021-жылдын октябрында алар Орусияда тыюу салынган "Хизб ут-Тахрир" уюмунун ишмердүүлүгүнө катышкан деген айып менен 12-17 жылга эркинен ажыратылган.
«Мемориал» укук коргоо уюму аларды саясий туткун деп жарыялаган.
2008-жылы Орусия президенти Владимир Путин "Крым талаштуу аймак эмес... Орусия Украинанын азыркы чек арасын тааныйт", - деп айткан. Ал эми 2014-жылы Москва Крымды аннексиялап алган. 2022-жылы Украинага аймактык доо артып, толук масштабдуу согуш ачкан. (RK)
Дагы караңыз
"Айзаданы куткарышкан эмес". HRW мурдагы милиция башчысы акталганын сындады Кечки Азаттык (1-чыгарылыш) Тажикстанда улгайган оппозиционер ооруканадан кайра түрмөгө которулду"АКШда бир жыл оку". FLEX программасы окуучуларды кабыл алууда