Улуттук коопсуздук боюнча мамлекеттик комитеттин (УКМК) төрагасы Камчыбек Ташиев Ош-Ноокат автожолунун курулушунан кабар алып, жол айтылган мөөнөттө бүтпөсө чара көрүлөөрүн айтты. Бул тууралуу атайын кызмат 18-сентябрда билдирди.
Мекеме тараткан маалыматта, Камчыбек Ташиев көпүрөлөрдүн жана жолдун курулушу буга чейин белгиленген мөөнөттө - 30-октябрга чейин бүтүшү керектигин эскертип, сапатка да көңүл буруу керектигин билдирген.
Ош-Ноокат автожолун куруу 2016-жылдан бери көтөрүлүп келет. Буга чейин Жапониянын JICA агенттиги жолду 50 млн долларга оңдоп-түзөөдөн өткөрө тургандыгы айтылып, жол четиндеги 200дөн ашык курулуш сүрдүрүлгөн.
2023-жылы аталган жолдун биринчи катмарына асфальт басылып, көп узабай жергиликтүүлөр анын сапатына нааразылыгын билдиришкен. (MKt)
Дагы караңыз
Москвада Wildberries кеңсесинде атышуу болуп, эки киши каза таптыСокулук: Менчиктештирилип кеткен мектептердин имараты мамлекетке өттүКазакстанда «АЭС керек эмес» платформасынын алгачкы талкуусу өттү