Энергетика министрлигинин басма сөз кызматы Токтогул гидроэлектрстанциясындагы (ГЭС) №1 гидроагрегатты оңдоо иштеринин 80% аяктаганын билдирди.
Министрликтин маалыматына ылайык, №1 гидроагрегаттын генераторунун статору толугу менен чогултулуп, сыноодон өткөрүлдү. Ротору чогултулуп, орнотулду. Мекеме №1 гидроагрегат ишке кирсе ГЭСтин кубаттуулугуна дагы 60 мВт кошула турганын кабарлады.
“Электр станциялары” ишканасына караштуу Токтогул гидроэлектрстанциясынын (ГЭС) №1 гидроагрегаты 5-марттан тартып реконструкцияга берилип, токтотулган. Токтогул ГЭСинде төрт агрегат бар. №4 агрегат 2022-жылы жана №2 агрегат 2023-жылы оңдоодон өткөн. №3 агрегат 2025-жылы реконструкцияланышы керек.
ГЭСтин жалпы кубаттуулугу ушул маалга чейин 1200 мВт деп эсептелген. Соңку жаңылоолордон кийин станциянын күчү 1320 мВт чекке жетти. Реконструкциялоо жана модернизациялоо иштери толук аяктаса, анын кубаттуулугу 1440 мВт көбөйөт деп пландалган. (BTo)
Дагы караңыз
Улуттук банк валюта базарынан дагы 22 млн 500 миң доллар сатып алдыПрезидент Жапаров Акаевдин макамын кайтарып берүү өтүнүчүнө өз пикирин билдирдиФутбол: Кыргызстан Иранга жеңилди Францияда 51 күндөн кийин жаңы өкмөт башчы дайындалдыОрусиянын соту Казакстанда кармалган Камил Касимовду дезертирлик үчүн алты жылга кести 5-сентябрь: Аскар Акаев Жогорку Кеңешке кат жазды, Газада 189 миң бала эмделди