Бириккен Улуттар Уюмунун (БУУ) баш катчысы Антониу Гутерриш Израилди Иордан дарыясынын Батыш жээгиндеги аскердик операциясын дароо токтотууга чакырды.
X социалдык түйүнүнө жазган билдирүүсүндө оккупацияланган Батыш Жээктеги соңку окуялар "терең тынчсыздантарын" билдирген.
"Мен адамдардын, анын ичинде балдардын өмүрүнүн кыйылышын кескин айыптайм жана бул операцияларды дароо токтоттуга чакырам",- деди ал.
Latest developments in the occupied West Bank, including Israel%27s launch of large-scale military operations, are deeply concerning.I strongly condemn the loss of lives, including of children, and I call for an immediate cessation of these operations. pic.twitter.com/ufTWrPcUT7
— António Guterres (@antonioguterres) August 29, 2024
Евробиримдиктин тышкы саясат боюнча башка комиссары Жозеп Боррел дагы "Газадагы согуштун жайылып кетүүсүн алдын алууну" эскертти.
Израил армиясы 28-августта Иордан дарыясынын Батыш жээгиндеги төрт шаарда - Женин, Тулкарм, Наблус жана Тубаста ири масштабдагы аскердик операциясын баштаган. Израил аскерлери муну "террорчулукка каршы операция" катары сыпааттап жатышат.
29-августтун таңында ЦАХАЛ Тулкарм шаарындагы "мечитте жашырынып жаткан беш куралчан террорчуну" жок кылганын билдирди. Маалыматка караганда, алар атышууда мүрт кетишкен. Ошондой ЦАХАЛ жок кылынгандардын арасында жергиликтүү "террорчу уюмдун" башчысы Мухаммад Жабер да бар экенин, операциянын биринчи күнүндө тогуз жоочу өлтүрүлгөнүн кабарлаган.
Эл аралык Кызыл чырым уюму Израилдин армиясынын операциясынан 11 кишинин өмүрү кыйылып, 20дан көбү жараат алганын палестиндердин Саламаттык сактоо башкармалыгына таянып билдирди.
Газада согуш башталган былтыр октябрь айынан бери Иордан дарыясынын Батыш жээгинде израил аскерлеринин рейддеринен 640тан ашуун палестиндин өмүрү кыйылды.
Дагы караңыз
Орусиянын бийлиги мигранттарды көзөмөлдөө үчүн атайын реестр түзүүнү көздөп жатат Министр жаңы Ак үйдүн маңдайына өкмөттүк шаарча куруларын айтты ТИМ Новосибирскиде кырсыкка кабылган кыргызстандык тууралуу маалымат берди