Молдова Орусияга учак тетигин сатууда ортомчулук кылган үч компаниянын (Airrock Solutions, Aerostage Services жана Maxjet Service) ишмердүүлүгүн токтотконун бүгүн 13-августта «Эркин Европа/Азаттык» радиосунун молдован кызматы жазды.
Мындай чечим 7-августта Инвестициялык долбоорлорду илгерилетүү боюнча кеңештин премьер-министр Дорин Речандын төрагалыгы менен өткөн жыйынында кабыл алынганы маалымдалды.
Быйыл февраль айында радионун молдован кызматынын журналисттери иликтөө жүргүзүп, аталан үч ишкана 2022-2023-жылдары орусиялык фирмаларга жалпы суммасы 15 миллион долларга учак тетигин сатууда ортомчулук кылганын аныктап чыгышкан.
Бул ишканалардын аракетинде Молдованын мыйзамдары бузулган фактылар аныкталган эмес, бирок иш Европа Биримдиги Орусия 2022-жылы Украинага каршы согуш ачканы үчүн ага каршы бир катар санкция жарыялангандан кийин болгону белгиленген. (RK)
Дагы караңыз
Курск: Кырдаал курчуду. Украин армиясы 30 чакырымга чейин кирдиУкраина армиясы Орусиянын аймагына киргенин ачык жарыялады Ооганстандын Пакистан менен чек арасындагы соккудан үч киши каза болду"Кайда барабыз?" Хан-Юнистен качкан палестиндер