Кыргызстанда майыптыгы бар кишилердин жеке жардамчыларына мамлекеттен берилчү төлөм көбөйтүлдү.
Эмгек, социалдык камсыздоо жана миграция министрлиги билдиргендей, 1-июлдан тарта көмөкчүлөрдүн акысы 6 268 сомдон 7 681 сомго чейин көтөрүлдү.
Расмий маалыматка ылайык, өлкө боюнча майыптыгы бар адамдарды караган 14 537 киши катталган.
"Жеке ассистент" кызматы 2019-жылдан баштап бирөөнүн багуусуна жана көзөмөлүнө муктаж, майыптыгы бар балдарга көрсөтүлөт. Башында мамлекет аларга 4900 сом төлөп берсе, 2022-жылы бул сумма 6268 сомгө көтөрүлгөн.
Аталган министрликтин быйыл апрелдеги эсебинде Кыргызстанда майыптыгы бар адамдардын жалпы саны 213 миңден ашат. Анын 37 миңи – 18 жашка чейинки балдар.(SE)
Дагы караңыз
Улуттук банк телефон шылуундары көбөйүп жатканын билдирди Баткенден табылган байыркы буюмдарДепутаттыкка мурдагы талапкер соцтармактагы пикири үчүн кармалды