11-июлга караган түнү Футбол боюнча 2024-жылдагы Европа чемпионатынын жарым финалында Англия менен Нидерланддын курама командалары ойноду.
Беттеш Дортмунд шаарындагы “Сигнал идуна парк” стадионунда өтүп, Англия 2:1 эсебинде жеңишке жетип, Европа чемпионатынын экинчи финалисти болду. Оюндун 7-мүнөтүндө Нидерланддын жарым коргоочусу Хави Симонс гол киргизип эсепти ачты.
18-мүнөттө Англиянын чабуулчусу Харри Кейн 11 метрлик айып соккудан гол киргизип, эсепти теңеди. Беттештин акыркы мүнөтүндө (ред: 90-мүнөт) Англиянын дагы бир чабуулчусу Олли Уоткинс гол киргизип, Англияга жеңишти алып берди.
10-июлга караган түнү Испания Франциянын курама командасын 2:1 менен утуп, финалга чыккан.
14-июлда Испания менен Англия 2024-жылдагы Европа чемпионатынын финалында беттешет (15-июлга караган түнү).
Германияда өтүп жаткан футбол боюнча Европа чемпионаты 14-июнда башталган. Ага 24 өлкөнүн курама командалары катышууда. (BTo)
Дагы караңыз
Лаззат Нургожоеванын жигитинин агасы да кармалганы кабарландыАйтургандын өлүмү боюнча ишти акыйкатчы көзөмөлүнө алдыЖалал-Абад менен Баткенге авиакаттам качан жанданары белгисизЭмгек, социалдык камсыз кылуу жана миграция министрлигинде мыйзам бузуу аныкталдыАкылбек Жапаров Орусиянын банктарына Кыргызстанда филиал ачууну сунуштадыСелден улам Баткен районунда өзгөчө кырдаал жарыяланды