Казакстанда Орусиядан барган, балдарга калемпир газ чачып, неонацисттик ураан айткан өспүрүм кармалганын 9-июлда Актөбө облустук полициясы билдирди.
Актөбөдөгү көпүрөлөрдүн биринде болгон окуянын видеосу социалдык түйүндөргө өткөн аптада тараган. Андан орусча сүйлөгөн өспүрүм көпүрөдөн басып баратып четинде турган 6-7 жашар эки эркек балага жакындаганда колундагы баллондон биринин бетине газ чачып жибергенин, адатта неонацисттер колдонуучу ураан айтканын, экинчи бала кача баштаганын көрүүгө болот.
Өспүрүм чек арадан өтүп кетүүгө аракет кылган жеринен кармалганы, полициянын убактылуу кармоочу жайына камакка алынганы, «ээнбаштык» деген берененин негизинде териштирүү жүрүп жатканы маалымдалды.
16 жаштагы өспүрүм Казакстанда туулганын, апасы менен Орусия жашай турганын, Актөбөгө жайкы каникулга атасына барганын, кайтканда аны менен түшүндүрүү иштери жүргүзүлөрүн Орусиянын Ички иштер министрлигинин Саратов облусу боюнча башкармалыгы кабарлады.
Видео социалдык түйүндөрдө кызуу талкуу жаратып, баланын жоругу фашизмдин башталышы катары мүнөздөлүүдө жана анын өзүнө да, ата-энесине да чара көрүү талаптары коюлууда. (RK)
Дагы караңыз
Орусиянын кандуу чабуулу: Абадан коргонуу системасы жетишсиз, Киев аза күтүүдөКечки Азаттык (2-чыгарылыш)Кабардин-Балкар полициясы «шарият кайгуулу» кармалганын билдирди "Кийимдерин тартып алышкан". Абактагы журналисттер тинтүүгө кабылды