Украина Херсон облусунда соңку суткада Орусиянын чабуулдарынан бир киши каза болгонун, 16 киши жараат алганын, алардын арасында эки бала бар экенин билдирди. Облустун аскердик администрациясынын башчысы Александр Прокудиндин айтымында, жалпысынан орус аскерлери 25 калктуу пунктту бутага алды.
Облус аймагында жеке үйлөр, кабат үйлөр, дүкөн, газу кууру талкаланганы маалымдалды.
Украинанын Аба күчтөрүнүн маалыматына караганда, Орусия 27-июнга караган түнү 29 ракета жана дрон учурду, алардын арасынан «Кинжал» ракетасынан башкасынын баары атып түшүрүлдү.
Фронтто Краматорск багытында орус армиясы Временный Яр тарапта чабуулдарын улантып жатканы, Торецк багытындагы абал чыңалып турганы, Харьков багытында Волчанск үчүн күрөш уланып келатканы маалымдалды. (RK)
Дагы караңыз
Гаага: Кылмыш соту Шойгу менен Герасимовду камоо ордерин чыгарды Жайылда алты баланын өмүрүн алган окуя боюнча айдоочу эки айга камалдыБастрыкин мигрантты Орусиядан кетирүү үчүн аны согушка жөнөтүү керек экенин айттыПрезидент Кыргызстанда уран казууга уруксат берген мыйзамга кол койду