Ноокат районундагы Гүлистан айылынын тургуну, үч баланын энеси төркүнүндөгү үйүнүн чатырына асылган жеринен табылды.
Маалыматты Ош облустук Ички иштер башкармалыгы (ОИИБ) ырастап, факт бирдиктүү реестрге катталганын, иликтөө жүрүп жатканын билдирди. Ага ылайык, 6-июнда Ноокат райондук милициясына 32 жаштагы келин каза болгону тууралуу маалымат түшкөн.
Окуя болгон жерге барган тергөө-ыкчам тобу маркум асынып алганын аныктаган.
"Сөөккө сырттан кароо жүргүзүлүп, соттук-медициналык экспертиза дайындалган. Учурда күбөлөр суралып, ыкчам-тергөө амалдары уланууда", - деп билдирди ОИИБнын басма сөз кызматы.
Кыргызстанда түрдүү себептер менен өз жанын кыйган келиндер көп катталат. Былтыр Лейлек районундагы Андарак айылдык милиция бөлүмү бир жыл ичинде 11 учурду каттаган. Кеминде алты аял көз жумган. Дагы беш аялды дарыгерлер куткарып калган.(ZKo/DSh)
Дагы караңыз
"Саясий жер титирөө". Францияда ашынган оңчулдар жеңишке жеттиЖапаров алтын камтыган руданы ташууну чектеген мурдагы жарлыктарын жокко чыгарды"Уулу абакта экенин апасы дагы эле билбейт". Инанды уурдалган күн Газа маселеси: Израил өкмөтүндөгү ажырымЭки жылда чет жактагы мигранттардын саны 143 миңге азайды