Улуттук коопсуздук мамлекеттик комитети (УКМК) Оштун Ноокат районунда элге мыйзамсыз берилген 41 гектар жер мамлекеттин балансына кайтарылганын билдирди. 29-майда таратылган расмий кабарга ылайык, Жаңы-Ноокат айыл аймагындагы жер тилкесинин наркы 452 миллион 100 миң сом деп бааланган.
Баштапкы маалыматтарга караганда, Ноокат райондук администрациясынын 2014 жана 2020-жылдагы токтомдорунун негизинде трансформациялоо иштери жүргүзүлбөгөн жерлер турак жай куруу үчүн калкка бөлүштүрүп берилген.
Атайын кызмат Жер кодексинин айрым беренелери бузулганын билдирип, райондук прокуратура менен чогуу териштирүү жүргүзүлгөнүн кабарлады. Кылмыш-жаза кодексинин 337-беренеси (Кызмат абалынан кыянат пайдалануу) иш козголуп, мурда жетекчилик кызматта иштегендер камакка алынды.
Расмий маалыматта бир канча киши камалганы белгиленген, бирок канча киши экени айтылган эмес.
2022-жылдан бери Кыргызстанда уруксатсыз курулган үйлөрдүн жерин мыйзамдаштырууга багытталган "Жер-укуктук мамилелерди жөнгө салуу жөнүндө" мыйзам алкагында айрым жер участокторуна мунапыс бериле баштаган. Бул үчүн 40 райондо, 20 шаарда 60ка жакын комиссия иштеп жатканы кабарланган. (SE)
Дагы караңыз
Жогорку Кеңеш киберкылмыштардын алдын алуу мыйзамын кабыл алдыӨкмөт уу коргошундан дары даярдоого тыюу салды"Коопсуз шаардын" жабдыктары Санарип министрлигине өтөрү кабарланды