Ички иштер министрлиги (ИИМ) Жалал-Абад шаарында Индиядан келген студент кызды сүзүп кеткен деген шек менен Т.К. аттуу жаран камалганын билдирди.
Милициянын маалыматына ылайык, окуя 14-майда кечки саат 10дор чамасында болгон. Кыз алган жараатынын улам оор абалда ооруканага жеткирилген. Учурда эч-учуна келбей, комада жатканы кабарланууда.
Мунун алдында социалдык тармактарда чет өлкөлүк студент кызды машина уруп кеткен фактыга байланыштуу жабырлануучунун же анын жакындарынын арызы жок деген негизде кылмыш иши козголбой, күнөөлүү жоопко тартылбай жатканынан улам нааразылык айтылып жаткан. Маалыматтарга караганда, кырсыкка кабылган кыз Жалал-Абад мамлекеттик университетинин Медицина факультетинин 1-курсунун студенти. Азыр аны апасы, туугандары карап жатат.
ИИМ кылмыш иши он күндөн кийин гана, 24-майда козголгонун, кылмышка шектүү 25-майга камалганын ырастады жана ал Тергөө кызматынын жетекчилигинин көзөмөлүндө турганын билдирген.
Расмий маалыматка караганда, ушул тапта Кыргызстандагы жогорку окуу жайларда баш-аягы 59 миңдин тегерегиндеги чет элдик студенттер окуп жатат. Алардын 28 миңи медициналык факультеттерде билим алат. Пакистандан келген студенттердин саны 12 миңден көп, ал эми Индиядан келгендер 14 миңден ашат.
Дагы караңыз
Аксы районунда сел коркунучунан улам 250 адам эвакуацияланды УКМК: Ташиевдин атын атап алдамчылык кылган жаран кармалды Reuters: Путин басып алган аймактарды калтыруу шартында согушту токтотууга даяр Жыргалаң суусуна түшүп кеткен эки кыздын биринин сөөгү табылдыПрезидент айрым министрлер кызматка тааныш-билишин коюуну улантып жатканын айттыКыргыз-тажик чек арасын тактаган жумушчу топтор Бишкекте жолуктуМинск: теракт пландаган деген шек менен эки тажик жараны кармалдыЖалал-Абадда жол кырсыгында төрт адам набыт болуп, үчөө жараат алдыТбилисиде "Чет элдик өкүл" мыйзамына каршы миңдеген адам жүрүшкө чыктыАкыйкатчы пробациялык көзөмөл маселесине көңүл бурууга чакырды