Казакстанда 10 жаштагы бала селде сууга чөгүп кеткенин бүгүн 3-апрелде “Азаттыктын” казак кызматы Актөбө облусунун Айтекебий районунун акимчилигинин маалыматына таянып билдирди.
Окуя 2-апрелде болгону, бала теңтуштары менен сабактан кайтып келе жатып көчөдө ойноп калганы, ал терең топтолгон сел суусуна түшүп кеткени, жардамга чуркап барган чоң кишилер сактап калууга үлгүрбөгөнү маалымдалды.
23-мартта да ушул эле облустун Ебейты кыштагында төрт жашар наристе кар эригенден кийин топтолгон сууга түшүп кетип, оозу-мурдуна суу кирип, чарчап калганын жергиликтүү "Диапазон" басылмасы жазган.
Соңку бир нече күндөн бери Казакстандын бир катар аймактарын кар эригенден кийин суу каптап жатат. Абай облусунда төрт киши дайынсыз болууда.
Дагы караңыз
Батыш Казакстанда өзгөчө кырдаал: Орусия суу агызгандан кийин абал курчуду"Кооптуу тенденция": Орусияда кыргыз жараны "терроризмди актаган" деп айыпталууда 24.kg агенттигинин кеңсеси ачылып, кылмыш иши токтотулду Баткен театры заманбап имаратка муктаж