Дүйнөлүк Саламаттык күнүн утурлай Бишкекте "Менин саламаттыгым - менин укугум" деп аталган жарыш уюштурулууда. Ага ден соолугун башкы орунга койгон бардык жарандар катышып, чуркай алышат.
Саламаттык сактоо министрлиги билдиргендей, иш-чарага президент Садыр Жапаров, саламаттык сактоо министри Алымкадыр Бейшеналиев, Дүйнөлүк саламаттык уюмунун Кыргызстандагы өкүлү Ливиу Ведраско, Жогорку Кеңештин депутаттары, спортчулар катышат.
Жарыш 6-апрелде саат 10:00дө Жайыл баатыр көчөсүндөгү "Газпром" дене тарбия борборунан башталат.
Аны Саламаттык сактоо министрлиги жана Дүйнөлүк саламаттык уюмунун Кыргызстандагы өкүлчүлүгү уюштурууда.
Бишкектеги иш-чара бир жума бою жалпы өлкөдө өтүүчү "Ден соолук кербени" деп аталган жарыштын башталышы болмокчу. (ZKo)
Дагы караңыз
Түлөбаев бийликти электр энергиясын арзандатууга чакырды Орозо айт майрамы 10-апрелде белгиленет Шайлообек Атазов мандатына байланыштуу шаардык сотко кайрылды "Ата-Бейит": тарых унутулса, трагедия кайталанатКөзү ачык, бүбү-бакшыларды жарнамалоого тыюу салуу сунушталды