Жогорку Кеңештин Социалдык саясат боюнча комитети "Билим берүү жөнүндө" мыйзам долбооруна өзгөртүү киргизүү мыйзам долбоорун үчүнчү окууда талкуусуз кабыл алды. Бул мыйзам долбоорунда бала бакчаларга тамак-аш мамлекеттик казынадан каржыланары жазылган.
2023-жылы күзүндө Каржы министрлиги Кыргызстанда бала бакчаларда тамактанууну уюштуруу ата-энелердин эсебинен ишке ашырыларын билдирген. Министрлик буга ошол жылы 11-августта "Билим берүү жөнүндө" мыйзамдын жаңы редакциясы кабыл алынганын негиз кылган.
Мыйзамдын 28-беренесинин 6-пунктунда "мектепке чейинки билим берүү уюмдарында тамактанууну уюштуруу ата-энелердин (мыйзамдуу өкүлдөрүнүн) эсебинен жүзөгө ашырылат" деп жазылган.
Бул маалымат коомчулуктун нааразычылыгын жаратып, депутаттар мыйзамды өзгөртүүнү сунуштаган.
Расмий маалыматтар боюнча Кыргызстанда 1-6 жаштагы 960 миңдей баланын 740 миңдейи бала бакчага барбайт. (TSh)
Дагы караңыз
Стамбул, Анкара мэрин шайлоодо оппозициялык талапкерлер алдыга чыкты