Ички иштер министрлигинин (ИИМ) Маңзатты мыйзамсыз сатууга каршы күрөшүү кызматынын Оштогу башкармалыгынын кызматкерлери Маңзатты көзөмөлдөө кызматынын мурунку кызматкери, оставкадагы полковник Р. Х. аттуу адамды кармашты.
ИИМдин басма сөз кызматы кабарлагандай, 61 жаштагы шектүү 2015-жылдан бери маңзат сатууга шек саналып, эл аралык издөөдө жүргөн.
Ал соттун токтому менен Ош шаардык ички иштер башкармалыгынын тергөө абагына камалды.
Шектүү тараптын жакындары, адвокаттар комментарий бере элек.
Улуттук коопсуздук мамлекеттик комитети (УКМК) чет өлкөдөн ташып келинген маңзатты Кыргызстан аркылуу үчүнчү өлкөгө өткөрүүнү жана сатууну уюштурууга шек саналып, 20-февралда ИИМдин Маңзаттарды мыйзамсыз жүгүртүүгө каршы күрөшүү кызматынын Баткен облустук башкармалыгынын кызматкери жана анын шериги кармалганын билдирген.
“Борбор Азиядагы наркосаясат борбору” коомдук фонду Тажикстан аркылуу ооган баңгизатын ташууга чөлкөмдөгү күч органдарынын кызматкерлери аралашкан учурлар бар экенин маалымдаган. (ZKo)
Дагы караңыз
“Чоң-Кемин” жаратылыш паркынын чек араларын өзгөртүү сунушталдыНигерияда мектептен 300дөй окуучу уурдалды8-март: Бишкектеги жүрүш, Тажикстанда кармалган кыргызстандык, Москвадагы коркунучЭрдоган Түркия орус-украин саммитин өткөрүүгө даяр экенин билдирдиЭкс-депутат Бакировдун иши боюнча сот чечими өзгөртүүсүз калды Аскер кызматкерлерине кызматтык үйлөрдү менчиктештирүүгө уруксат берүү сунушталды