Украинанын Куралдуу күчтөрү шаршембиде Херсон облусунун Орусия оккупациялаган бөлүгүндө орус аскерлери машыгуу өткөрүп жаткан полигонго сокку урулганын ырастады.
Украин армиясынын өкүлү Наталья Гуменюктун айтымында, орус аскерлери полигондо Днепрдин сол жээгиндеги Крынки кыштагына чабуул коюуга даярданып жаткан. Ал айылда украин армиясынын плацдармы жайгашкан.
Маалыматка караганда, соккулардын натыйжасында кеминде 60 орус аскери набыт болду.
Согуштук аракеттердин шартында тараптардын билдирүүлөрүн өз алдынча текшерүү мүмкүн эмес. Ошентсе да, бир күн мурда украиналык OSINT долбоору да, орусиялык согуш блогерлери да полигонго сокку урулганын жана оор жоготуулар болгонун кабарлашкан. Соккулар урулган жер делген видео да жарыяланды.
Болжол менен HIMARS системасы колдонулган.
Орусиянын Коргоо министрлиги бул окуяны комментарийлеген жок.
Ал эми 20-февралда Донецк облусунун убактылуу оккупацияланган районундагы полигонго урулган соккудан, “Важные истории” басылмасы жазгандай, бери дегенде 68 орусиялык аскер окко учту. Орусиянын Коргоо министрлиги жоготуулар тууралуу маалымдаган жок.
Дагы караңыз
Матраимов менен Ражабалиев мандатын тапшыруу боюнча арыз берди11 журналисттин иши: сот телефондорду мыйзамсыз текшерүү боюнча арызды четке кактыТокаев Орусиядагы шайлоонун жыйынтыгынан күмөн санабасын айттыИйгиликтүү иш баштоого үйрөткөн бестселлер кыргыз тилинде чыкты