Мектептердин кенже класстарындагы ар бир окуучунун тамагына күнүнө 14 сомдон бөлүү тууралуу токтом чыкты. Министлер кабинетинин төрагасы документке кол койгонун 3-февралда Билим берүү жана илим министрлиги кабарлады.
Башталгыч класста окуган балдардын бир маал тамагын мектепте уюштурууга мамлекеттен буга чейин күнүнө 7 сом бөлүнүп келген. Аны 14 сомго көтөрүү маселеси декабрда парламентте талкууланган. Бул каражат аз экенин бир катар депутаттар сындап, 20 сомго чыгарууну сунушташкан. Экономика министринин орун басары Жибек Дүйшеева 2025-жылы 19 сомго көтөрүү пландалып жатканын билдирген.
“Мамлекеттик жана муниципалдык жалпы билим берүүчү мектептерде окуучулардын тамак-ашын уюштуруу жөнүндө” жобо 2006-жылы кабыл алынган. Бул багытта өкмөткө эл аралык уюмдар да жардамдашат. Окуучуларга шашкеде негизинен ысык чай менен токоч, айрым мектептерде тамак берилет.
2022-жылдын февралындагы расмий маалыматта кенже класстардын тамагына бөлүнгөн бир жылдык каражат 1,6 миллиард сом экени айтылган. (SE)
"Азаттыктын" подкасттарын угуңуз
“Жер Эне”: Кокту-колот очок менен таштандыга толду"Баланын тили орусча чыкса кубанба". Эне тилдүү эркин муунду кантип түптөйбүз?Эркектердин саламаттыгы: Тестостерон эмнеге маанилүү? "Кодулоо көп, колдоо аз". ВИЧ тууралуу түшүнүк тайкыбы?"Айласыздан жашап жатабыз". Бишкектиктер ыштан кантип коргонот?"Жер Эне": Төрт түлүк мал табиятты талкалайбы?