Жапониянын борбор шаары Токиодо «Ханеда» аэропортунда бүгүн 2-январда кырсыкка учураган учактын жүргүнчүлөрүнүн баары жана экипаж аман экенин NHK телеканалы билдирди. Маалыматта айтылгандай, учактын ичинде 400дөй адам болгон, алар сыртка чыгып кетүүгө үлгүрүшкөн.
Аэропорттун конуу-учуу тилкесинде Хоккайдо аралынан учуп барган Japan Airlines авиакомпаниясына таандык учак өрттөнүп жаткан видеолор тарап жатат. Баштапкы маалыматтарга караганда, ал жерге конгондо башка учакты сүзүп алган болушу ыктымал.
Жапониянын Жээктеги күзөт кызматы өрттөнгөн учак анын учагы менен сүзүшкөнү тууралуу маалыматты териштирип жатканын билдирди.
«Ханеда» — Жапониянын жүргүнчү эң көп каттаган аэропортторунун бири. Жаңы жылдык майрам күндөрү анда эл абдан көп болот.
Бул окуя Жапонияда 1-январдагы элүү чакты адамдын өмүрү кыйылган катуу жер титирөөнүн кесепетин жоюу иштери жүрүп, жер дагы катуу силкиниши ыктымал деген кооптонуу күчөп турган чакта болду. (RK)
Дагы караңыз
2023-жылы "Коопсуз шаар" долбоорунан 392,4 млн сом айыппул чогулганТИМ: Жапониядагы зилзалада кыргызстандыктар жабыркаган жокОрусия Киев жана Харьков аймактарына ракеталык сокку урдуИзраил Газанын түндүгүндө согуштук аракеттерин азайтууга өттү