АКШ президенти Жо Байден орусиялык күчтөр 29-декабрда ракета жана дрон менен Украинанын аймагын жапырт аткылагандан кийин атайын кайрылуу жасады.
Чабуулдун кесепетинен Украинада 30дай жай тургун каза таап, 144 адам жарадар болгон. Шаарларга жана объекттерге абадан сокку уруу 18 саатка созулган. Бул Орусиянын 2022-жылы 24-февралда Украинага кол салгандан берки ири аба чабуулу болду.
Дагы караңыз "Орусия Украинаны болгон куралы менен атты"Байден мындан улам Путин Украинаны толук жок кылып, элин кулга айланткысы келип жатканын айтты. "Путинди токтотуу зарыл", - деп чакырык таштады ал.
Америкалык президент бул кармаштын түпкү максаты Украинанын аймагы менен эле чектелбесин, НАТОнун, Европанын коопсуздугуна жана трансатлантикалык мамилелерге да терс таасирин тийгизчү коркунуч экенине токтолгон.
Байдендин айтымында, Путин АКШнын айрым союздаштарына коркунуч жаратууда. "Диктаторлор жана автократтарга Европада билгенин кылууга жол ачылганда Кошмо Штаттар бул процесске түздөн түз тартылат", - деп айтылат АКШ президентинин билдирүүсүндө.
Кайрылууда эгер Конгресс жаңы жылда чукул чара көрбөсө, АКШ Украина үчүн керектүү курал-жаракты жөнөтө албай калышы мүмкүн экени, конгресс эч ойлонбостон алдыга кадам ташташы керектиги жазылган.
"Биз Украинаны сатып кете албайбыз, эркиндиктин үнүнө кулак салбагандарга тарых катаал", - деген Жо Байдендин кайрылуусу "Америка авазы" радиосунун сайтына жарыяланды.
Дагы караңыз
Ак илбирсти Кыргызстандын улуттук символу деп таануу жөнүндө жарлык чыктыЗеленский Авдеевкадагы украин аскерлерине бардыОрусия бир жыл ичинде 50 уюмдун ишмердигине тыюу салдыАфтандил Жоробековдун апасы бийликке кайрылды