7-8-ноябрда Өзбекстандын баш калаасы Ташкет шаарында Экономикалык кызматташуу уюмунун (ЭКУ) 16-саммитти өтөт. Бул тууралуу өлкө президентинин маалымат кызматы билдирди.
“Иш-чарада Азербайжандын, Ирандын, Казакстандын, Кыргызстандын, Пакистандын, Тажикстандын, Түркмөнстандын жана Түркиянын президенттери менен өкмөт башчылары катышары күтүлүүдө”, - деп жазылат билдирүүдө. Жыйынга өзбек президенти Шавкат Мирзиёев төрагалык кылат.
Билдирүүдө белгиленгендей, саммиттин катышуучулары соода-экономикалык, инвестициялык, транпорт-коммуникациялык жана гуманитардык ич ара кызматташуу маселелерин талкуулашат.
Уюмдун буга чейинки жыйыны 2021-жылы Түркмөнстандын баш калаасы Ашхабадда өткөн. Экономикалык кызматташуу уюмун 1985-жылы Иран, Пакистан жана Түркия түзгөн. Анын баш кеңсеси Тегеранда жайгашкан.
Борбор Азия мамлекеттери, анын ичинен Кыргызстан бул уюмга 1992-жылдан бери мүчө.
Дагы караңыз
Орусия аэропорттордо мигранттардын манжа изин ала баштайтАалымдар кеңеши Палестинадагы жихадга чакырбоону эскертти Reuters: Путин бийликте 2030-жылга чейин калууну көздөйт