Европанын борбордук жана түштүк бөлүгүн каптаган “Киран” катуу шамалы кеминде он кишинин өмүрүн алды. Испания, Италия, Франция өлкөлөрүндө шамалдын ылдамдыгы саатына 207 чакырымга жетип жатты. Жаан менен коштолгон катуу шамал ошондой эле Англиянын түштүгүн, Белгия, Нидерланддар, Германия жана Португалияны да каптады. Белгияда бактар кулап, эки киши набыт болду. Алардын бири бала экени кабарланды.
Испанияда катуу шамалдан улам токойлордо өрт тутанды. Бийлик тилсиз жоо каптаган аймактагы кыштактардан 800дөй кишини коопсуз жакка көчүрдү. “Кирандан” кийин Францияда миллиондон ашуун киши электр жарыксыз калды.
Көнөктөгөн нөшөрдөн Хорватиянын баш калаасы Загребдеги Сава дарыясы нугунан чыкты.
Окумуштуулардын пикиринде климаттын өзгөрүүсүнө байланыштуу мындай катуу шамалдар Европада көп каттала башташы мүмкүн. Глобалдык жылуулуктан улам Европанын түндүгү менен түштүгүндөгү абанын температурасынын айырмасы көбөйүп, катуу шамалга жана көнөктөгөн нөшөрлөргө алып келүүсү ыктымал.
Дагы караңыз
Блинкен Газанын жай тургундарын коргоо талабы менен Израилге бардыСалык кызматы ККМ, ЭТТК жана ЭЭФ колдонгон ишкерлер эки-үч эсе арбыганын маалымдадыАтазов шайлоодо ага тарапташ болгондор суракка барганын ырастады