АКШ президенти Жо Байден Конгресстен Украина, Израил, Тайванга аскердик жана башка жардам берүүнү, Мексика менен чек арадагы коопсуздукту бекемдөөгө 100 миллиард доллар бөлүүнү сурайт. Мындай билдирүүнү президент 19-октябрда элге кайрылган учурунда жасаарын CNN маалымдады.
Телеканалдын булактарынын айтымында, Байден Украина менен Израилди колдоо АКШнын улуттук коопсуздугуна төп келерине ынандырууга аракеттенмекчи.
Рейтер агенттиги кошумча каражат бөлүү өтүнүчүн президент 20-октябрда жолдорун билдирди. 100 миллиарддын ичинен 60 миллиард Украинага, 10 миллиард Израилге багытталат. Жакында Израил Вашинтондон дал ушунча сумманы чукул көмөк иретинде сураган.
Шаршембиде Байден Газанын тургундарына жана Иордан дарыясынын батыш жээгинде жашаган палестиналыктарга 100 миллион доллар гуманитардык жардам бөлүү тууралуу жарыялаган жана ал каражат өз үйүн таштап кетүүгө аргасыз болгон 1 миллиондон ашуун палестиналыкты колдоого, Газадагы чукул муктаждыктарга жумшаларын айткан.
Ал күнү америкалык лидер Израилде болуп, премьер-министр Биньямин Нетаньяхуга жолуккан. Визитке чейин Байден ХАМАС радикал тобу жок кылынууга тийиш деп, ошол эле маалда Газаны басып алуу катачылык болорун белгилеген.
Дагы караңыз
Сахаров сыйлыгы маркум Махса Аминиге жана “Аялдар. Жашоо. Эркиндик” кыймылына ыйгарылдыРепрессия курмандыктарын актоо мыйзамы биринчи окууда кабыл алындыЛавров Пхеньяндын Украинадагы согушту колдогонун кубаттады