Бишкек мэриясы шаар тургундарына жылуулук качан бериле баштарын тактады.
Маалыматка ылайык жылытуу мезгили абанын орточо температурасы беш күн катары менен +8 градустан төмөн болгондо башталат.
Бишкек ЖЭБден жылуулукту берүү бир нече күнгө созулат. Биринчи кезекте мектептерге, бала бакчаларга, ооруканаларга, төрөт үйлөрүнө жана социалдык коргоо мекемелерине берилет. Андан кийинки кезекте жылуулукка карызы жок турак үйлөр, өнөр жай ишканалары жана мекемелер.
Турак жайды туташтыруудан мурда көп кабаттуу үйлөрдүн жогорку кабаттарындагы жылытуу приборлорундагы "Маевскийдин крандары" деп аталган система аркылуу абаны чыгаруу зарыл. Муну менен батирлерге жылуулук тез келет.
Былтыр Бишкекте жылуулук 26-октябрдан тартып бериле баштаган.
Синоптиктер 16-октябрдан тартып Кыргызстан боюнча күн жылый турганын болжоодо.
Дагы караңыз
Путин Газада Ленинград блокадасындагыдай абал түзүлбөшү керектигин айттыБоррел: Миллион адамды 24 саатта эвакуация кылуу мүмкүн эмесКыргызстан сегиз айда 545 млн долларга алтын сатты