Бишкектин Октябрь райондук соту 11-октябрда “Элитхаус” курулуш компаниясынын жетекчиси Тимур Файзиевдин бөгөт чарасын карап, аны 9-декабрга чейин камакка алуу чечимин чыгарды.
Бул тууралуу Бишкек шаардык сотунун басма сөз кызматы 12-октябрда “Азаттыкка” билдирди.
Соттун маалыматына караганда Тимур Файзиевге Кылмыш-жаза кодексинин 222-беренесинин (Кылмыштуу жол менен алынган кирешелерди мыйзамдаштыруу) негизинде айып тагылган.
10-октябрда бир катар басылмалар Файзиев кримтөбөл Камчы Көлбаевдин ишине байланыштуу кармалганын жазып чыгышкан.
Атайын кызмат буга чейин кабарлагандай, 4-октябрда Кылмыш-жаза кодексинин “Уюшкан топту түзүү же ага катышуу”, “Куралды, ок-дарыларды мыйзамсыз жүгүртүү” жана “Кылмыш жасоого аракеттенүү” беренелеринин негизинде иш козголуп, “Көлбаевдин жана анын кол астындагы адамдардын опузалоо жана рейдерлик аракеттери аркылуу алынган мүлктү жана активдерди мыйзамдаштырууга, башка да оор жана өзгөчө оор кылмыштарга катышы бар кылмыштуу топтун лидерлери жана 20 чакты активдүү мүчөсү” кармалган.
Кылмыштуу топторду каржылаган деген шек менен бир нече ишкер да кармалганы кабарланган.
“Кримчөйрөнүн анабашы” аталган Камчы Көлбаев 4-октябрда атайын операция маалында өлтүрүлгөнүн УКМК ырастаган.
Дагы караңыз
Бишкекте Украинадагы согушту токтотуу талабы коюлган пикет өттү"БишкекВторРесурс" фирмасынын ээси Жапаровго жана Путинге кайрылдыӨКМ 30дай өрт өчүрүүчү бөлүк жетишсиз экенин билдирди Акча алмаштыруучу жайларда доллар 89 сомдон ашты