Орусиянын Амур облусунда 1-октябрда мигранттарга каршы рейддер өттү. Анын жыйынтыгында 17 чет элдик жаранды өлкөдөн чыгаруу чечими кабыл алынды. Тогузу күч менен депортацияланат, ал эми сегиз мигрант Орусиядан өз ыктыяры менен чыгып кетүүгө тийиш.
Амур облусунун Ички иштер башкармалыгынын маалыматына караганда, полиция кызматкерлери Росгвардиянын өкүлдөрү менен биргеликте чет элдик жарандар көп топтолгон жайларды тинтишкен. Жалпысынан тартип коргоочулар жатакана, кафе, курулуш аянтчалары сыяктуу 18 жайда 250 мигранттын документтерин текшеришкен.
Мекеме тараткан маалыматка ылайык, миграциялык мыйзамдар бузулган 37 учур катталган.
Жергиликтүү маалымат каражаттары жазгандай, сентябрдын башынан бери бийлик миграциялык мыйзамды бузду деген кине менен 35 чет элдик жаранды өлкөдөн чыгарган.
Орусияда соңку айларда мигранттарга, анын ичинен борбор азиялыктарга каршы рейддер күчөгөнү кабарланып келет. Айрым эксперттердин пикиринде, Кремль басым жасоо менен мигранттарды Украинадагы согушка айдоону көздөйт.
Дагы караңыз
Эрдоган түрк бийлиги террорчулар менен күрөштү улантарын билдирдиРахмонго жумуртка ыргыткан тажик активисттеринин туугандары кармалдыКоомдук транспорт үчүн тилкени кесип өткөндөргө айып пул салынат