24-сентябрь күнү таңга жуук Курскидеги административдик имарат дрон чабуулунан жабыркаганы кабарланды. Айрым мааалыматтарга караганда имаратта Орусиянын чалгындоо кызматынын аймактык башкармалыгы жайгашкан.
Курскинин губернатору Роман Старовойттун маалымдашынча, дрон чабуулунун натыйжасында имараттын чатыры "азыраак" бузулган.
"Агентство" басылмасы чабуулга Орусиянын чалгындоо кызматынын Курскидеги башкармалыгы кабылганын жазды. Astra Телеграм каналы чабуул тууралуу жергиликтүү тургундар соцтармактарга жазышканын билдирди. "РБК-Украина" Орусиянын аскердик чалгын башкармалыгындагы булагына таянып жазып чыкты.
"Осторожно, новости" Телеграм каналы Курскинин борборунда түтүн чыгып жаткан тасманы жарыялап, "бир нече жардыруу" болгонун маалымдады. "Курский бомонд" агенттиги жардыруулар шаардын бир катар аймактарында угулганын жазды.
Жергиликтүү тургундардын кабарлашынча дрон чабуулу Добролюбов көчөсүндөгү имаратка жасалган. Ал көчөдө Орусиянын чалгындоо кызматынын Курскидеги башкармалыгы жайгашкан.
Азырынча расмий маалымат жок. Украин тарап чабуул боюнча комментарий бере элек.
24-сентябрда Курскиде Шаар күнү белгиленет.
Дагы караңыз
Жыл башынан бери Кытайдан Кыргызстанга 4085 машина импорттолдуӨКМге эки мобилдик оорукана берилдиАкыйкатчы Селекцияда зомбулук көргөн келиндин абалынан кабар алды "Вагнердин" мурдагы командири Норвегияда кармалды