Орус армиясы 6-сентябрда Украинанын Константиновка калаасына сокку урганын, бери дегенде 16 адамдын өмүрү кыйылганын "Эркин Европа/Азаттык" радиосунун кабарчысы окуя болгон жерден билдирди.
Кыйроолордун масштабы азырынча белгисиз.
Бир күн мурун орус аскерлери Донецк облусундагы Константиновка жана Шахтерское шаарларын артиллериядан аткылаганда беш киши жарадар болгон.
Донецк облусу дээрлик күн сайын орус күчтөрүнүн аткылоосуна туш болуп, карапайым тургундар каза табууда. Далилдерге карабай, Москва Украинада жайкын тургундар бутага алынганын четке кагып, соккулар аскердик объектилерге гана урулуп жатканын билдирет.
Бириккен Улуттар Уюмунун августтагы эсебинде, Орусиянын Украинада бир жарым жылдан ашуун убакыттан бери уланып жаткан согушунда 9500дөн ашуун карапайым тургун набыт болуп, 17 миңден көбү жараат алды.
Уюм курмандыктардын чыныгы саны мындан көп болушу мүмкүндүгүн белгилейт.
Дагы караңыз
Кыргызстан жарандык паспортту өзү чыгара баштайтБлинкен Украинадагы согушта курман болгондордун мүрзөсүнө бардыТүркмөнстанда 1-класска баргандардын саны эки эсе көбөйтүлүп жазылдыБритан өкмөтү "Вагнер" компаниясын террордук уюм деп тааныйт