Азыр Орусия Грузиянын аймагынын 20% оккупациялаган. Бул – Туштүк Осетия менен Абхазия. Эки согуштун айынан жүздөгөн грузиндер үй-жайын таштап чыгып кетүүгө аргасыз болду. Аларга башында бир аптага гана кетип жаткандай туюлганы менен ушул кезге чейин үйгө кайтуу үмүтүн жоготуп, убактылуу жашаган жеринде кала берүүдө. Көпчүлүгү Орусия 2014-жылы Украинада баштаган согушту Грузиядагы окуялардын уландысы катары көрүшөт. Грузин ыктыярчылары ушул тапта Украинанын куралдуу күчтөрүнүн катарында согушуп жатат. Алар үчүн Украинадагы жеңиштен алардын өз өлкөсүнүн келечеги көз каранды. “Настоящее время” телеканалынын журналисти Катерина Кочкина «Грузия: (не) одна война» фильминде грузин согушун баштан кечирген адамдардын бир заматта өзгөргөн тагдырларын баяндайт.
Грузин элинин эсинен кетпеген беш күндүк согуш
Сиздин браузер HTML5 ыкмасын колдобой жатат.
2008-жылдын август айында орус армиясы Грузияга басып кирген. Беш күнгө созулган согуш элдин жүрөгүндө айыккыс так калтырды. Бул Грузиядагы биринчи куралдуу конфликт эмес. 90-жылдардын башында абхаз жикчилдери Орусиянын колдоосу менен грузин аскерлерине каршы чыккан.