Ысык-Көл облусунун Түп районунун акими Каныбек Адиев кызматтан кетти. Бул тууралуу “Азаттыкка” президенттин Ысык-Көлдөгү өкүлчүлүгүнүн басма сөз катчысы Жаныбек Кожоев билдирди. Ал жаңы жетекчи качан дайындалары азырынча белгисиз экенин айтты.
Каныбек Адиев бул кызматка президенттин жарлыгы менен 2021-жылдын май айында дайындалган.
Буга чейин алты айда начар жыйынтык көрсөткөнү үчүн Ысык-Көл жана Түп райондорунун акимдерин иштен алуу тууралуу президенттик администрацияга сунуштама берилген.
Андан көп өтпөй Ысык-Көл районунун акими Калыбек Жумадылов өзү жазган арызынын негизинде иштен кеткен.
Ал эми Тоң районунун акими Байышбек Астанакулов жана Ак-Суу районунун акими Мунарбек Насировго сөгүш берилген. (AsK)
Дагы караңыз
Ак-Сууда коңшусу зордуктаган деген аялдын экспертизасы чыкты Кемпир-Абад иши: Жеңиш Молдокматов сот ачык өтүшүн талап кылдыОрусиялыктар кыргыз жарандыгын алууну улантып жататЗеленский: Киев F-16 кыргын салуучу учагын алатОрусия Крымга жакын жерде эки учкучсуз учак атып түшүрүлгөнүн билдирди