АКШнын Федералдык иликтөө бюросунун (ФБР) мурдагы агенти Чарльз Макгонигал орусиялык олигарх Олег Дерипасканын пайдасына тыңчылык кылганын мойнуна алды. Нью-Йорктогу федералдык сотто ал кызматтан кеткенден кийин Дерипскага иштегенге, анын бизнестеги атаандашы Владимир Потанин тууралуу компромат чогултуп берүү макул болгонун билдирди.
Экс-агенттин сөзүнө караганда ал 2021-жылы көрсөткөн кызматы үчүн олигархтан 17 миң доллар алган. Макгонигал кылган иши тууралуу өкүнөрүн айтты.
Associated Press агенттиги Макгонигалга өкүм ушул жылдын декабрында чыгарын жана 55 жаштагы экс-агент беш жылга чейин эркинен ажыратылышы ыктымалдыгын жазды.
Вашингтон Дерипаска баштаган орусиялык бизнесмендерге, алардын компанияларына 2018-жылы санкция салган. Мындай чечим “Американын каршылаштарына карата чара көрүү” мыйзамына ылайык кабыл алынган.
2019-жылдын башында орус миллиардери “Русал” жана “En+” деп аталган компанияларынын контролдук пакетинен баш тартуу менен бул ишканаларды санкциялар тизмесинен чыгарган. Бирок өзүнө карата санкция күчүндө турат.
Дагы караңыз
Украина аймактарынан баш тартуу ыктымалдыгын четке какты Чолпон-Атада кыргыз-өзбек өкмөт өкүлдөрүнүн жыйыны башталатЛенин округундагы кайра шайлоо: БШК үч адамды талапкерликке каттаган жок