Евробиримдик жикчил Тоолуу Карабакты Армения менен байланыштарган жалгыз өтмөк - Лачын коридорунун ачылышын колдойт. Бул тууралуу шаркеттин тышкы саясат боюнча башкы комиссары Жозеп Боррел Армениянын тышкы иштер министри Арарат Мирзоян менен телефондон сүйлөшкөндө айтты.
"Армениянын тышкы иштер министри Арарат Мирзоян менен маанилүү телефондук сүйлөшүүдө карабак армяндары кабылган гуманитардык кырдаалды талкууладык. Гуманитардык жардамды жеткирүүнү камсыздоо үчүн Евробиримдик Лачын коридорунун токтоосуз ачылышын колдорун дагы бир жолу ырасталды", - деп жазды Боррел Твиттерге.
Important call w/ Armenia FM @AraratMirzoyan on humanitarian situation affecting Karabakh ArmeniansReiterated EU support to reopen Lachin corridor without delay to enable humanitarian aid deliveryKey to return to dialogue in good faith, incl between Baku and Karabakh Armenians
— Josep Borrell Fontelles (@JosepBorrellF) August 2, 2023
Тоолуу Карабакка багыт алган 19 жүк ташуучу машинеден турган автокербен 26-июлдан бери Лачын коридорундагы өткөрмө бекетте турат. Аларды азери аскерлери жикчил аймакка өткөрүүдөн баш тартууда. Еревандын айтымында, машинелерге гуманитардык жардам жүктөлгөн.
Азербайжандын тышкы иштер министрлиги автокербенди "чагым жана өлкөнүн аймактык бүтүндүгүнө шек келтирүү аракети" деп айыптады. Азербайжандын президенти Илхам Алиевдин жардамчысы Ереван алардын өлкөсүнө болгон "аймактык дооматтан баш тартуусу зарыл" экенин билдирген.
Лачын коридору - Армения менен Тоолуу Карабакты байланыштырган алты чакырымдык өткөөл. 1992-жылдан 2020-жылга чейин Тоолуу Карабактын жикчил бийлиги көзөмөлдөп келген. 2020-жылдын ноябрь айында бул жерге Орусиянын тынчтык орнотуу күчтөрү жайгашкан.
Эл аралык мыйзамдарда Тоолуу Карабак Азербайжандын аймагы болуп эсептелет. Ал жакта 100 миңдей жергиликтүү армяндар отурукташкан.
Дагы караңыз
Депутат порнографиялык материал тараткандарды жазалоону сунуштоодоПрезидент Садыр Жапаровдун китеби жарык көрдүЗеленский "тынчтык саммитин" күзүндө өткөрүүгө чакырды