Татарстанда "Алабуга Политех" коллежинин студенттери Иранда чыгарылган "Шахед" дрондорунун тетиктерин чогултууга тартылууда.
Алардын көбү жашы жете электер. Бул тууралуу "Протокол" басылмасынын жана РЗВРТ YouTube-каналынын журналисттеринин биргелешкен иликтөөсүндө айтылат.
Орусия Украинага согуш ачкандан бери Татарстандагы "Алабуга" экономикалык аймагында жанкечти-дрондор чогултула башталган. Аларга Орусияда "Герань-2" деген аталыш ыйгарылган.
Студенттердин айтымында, алар бир нече сутка уктабай, тамак ичпей иштейт. Айына 30-40 миң рубль төлөнөт.
Иликтөөдө белгиленгендей, студенттер баш тартуудан же нааразылык билдирүүдөн коркушат. Келишимге ылайык, алардын маалыматты ачык бөлүшүүгө укугу жок. Дрон чогултуудан качкан студенттер үчүн алардын ата-энелери жоопкерчиликке тартылат.
Орусия "Шахед" дрондору менен Украинанын аймагын аткылоону улантып жатат. "Алабуга Политех" коллежи 2021-жылдын апрелинде "келечектеги Илон Масктарды" чыгаруу үчүн ачылган.
Дагы караңыз
Forbes дүйнөдөгү куну төмөн 10 валютанын тизмесин жарыяладыТүркияда токойлорду каптаган өрттөн улам ондогон киши эвакуацияландыБекматов: Жаныбек Абиров кайра шайлоого талапкер боло албайт