Улуттук коопсуздук боюнча мамлекеттик комитет (УКМК) жасалма кыргыз паспортун алып жүргөн чет өлкөлүк жаран кармалганын билдирди. Ага ылайык, учурда бул кылмышка тишеси бар башка адамдарды аныктоого байланыштуу иликтөө уланып жатат. Шектүү УКМКнын тергөө абагына камалды.
Ушул жылдын май айында Стамбулда кандуу чабуулга байланыштуу айып коюлган өзбек жаранынан кыргыз паспорт табылган.
Анын алдында, март айында УКМК Өзбекстандын жараны Кыргызстандын паспортун жасалма жол менен алууга аракеттенген деген шек менен кармалганын билдирген.
Кыргызстанда жасалма паспорттордун берилишине байланыштуу бир катар чуулгандуу окуялар болгон.
Жасалма кыргыз паспорту менен эл аралык деңгээлде жаңжал чыгарган окуялар катталган эле. 2014-жылы грузин кылмыш төбөлү Роман Барбакадзе кыргыз паспорту менен кармалган. Андан бир жыл мурда Илья Самсония аттуу дагы бир грузиялык кримтөбөл "Манас" аба майданында кыргыз паспорту менен колго түшүп, төрт жылга соттолгон.
2015-жылы Стамбулда киши колдуу болуп өлгөн тажик оппозициячысы Умарали Кувватовдун жанынан да кыргыз паспорту табылган эле.
2016-жылы 17-майда Стамбулдагы Ататүрк аэропортунан кармалган 98 уйгур улутундагы адамдан кыргыз паспорту табылганы белгилүү.
Дагы караңыз
Санкциялык чектөөнүн бузулушу: Киев Бишкектен түшүндүрмө сурадыДинара Кутманова Камчыбек Ташиевдин дооматтарын четке какты Ибраев энергетика тармагына өзгөчө кырдаал киргизүүнү сунуштады Аймактык реформа: Түптө 13 айыл аймагы бешке чейин азайдыТөө-Ашуудагы тоннелде машина каттамга убактылуу чектөө киргизилди Жыл аягына чейин чек аранын 70 чакырымына зым тартылат