Быйыл сентябрдан тартып мектеп директорлорунун, окуу бөлүм башчыларынын айлык акысын көтөрүү пландалып жатканын министрлер кабинетинин төрагасы Акылбек Жапаров билдирди. Өкмөт башчы бул тууралуу 18-июлда Билим берүү жана илим министрлигинин коллегиясында чыгып айтты.
"Быйыл сентябрдан тартып биз мектеп директорлорунун, окуу бөлүм башчыларынын жана жогорку окуу жай мугалимдеринин айлык акысын көбөйтүүнү пландап жатабыз. Бирок айлыкты көтөрүү менен билим берүүнүн сапатын канчалык деңгээлде көтөрө алганыбыз маанилүү. 2023-жылы билим берүү тармагына 60,9 млрд. сом бөлүндү. Бул былтыркыдан 23 млрд. сомго көп", - деди Акылбек Жапаров.
Ал билим берүү тууралуу мыйзамдын өзү 20 жыл мурун кабыл алынганын, бул аралыкта дүйнө да, эл да өзгөргөнүн белгилеп, мугалимдердин билимин жогорулатуу зарылдыгын айтты.
Мугалимдердин айлык акысы былтыр 1-апрелден тартып 50-80 %га чейин көбөйтүлгөн. Анын ичинде педагогдуку 80 %га, административдик башкаруу кызматкерлериники 50 %га, техникалык жана кенже кызматкерлердин айлык акысы 80 %га көбөйгөн.
Кыргыз өкмөтү мамлекеттик кызматкерлердин айлыгын көбөйтүү максатында бюджеттен 26 млрд сом кошумча бөлгөн. Анын 16 млрд сому билим берүү тармагына жумшалган. Соңку маалыматка ылайык, дарыгердин айлыгына 50 %, маданият чөйрөсүндө иштегендердин акчасына 80 % кошулган.(ZKo)
Дагы караңыз
Борбор Азияга электр зымын эриткен ысык келдиЖоокерлерди кызматта мөөнөтүнөн ашык кармоого укук берилдиЖарандыгын алмаштырган орусиялык спортчулар кенемте төлөөгө милдеттендирилетИзраилде сот реформасына каршы чыккан 17 киши кармалдыЭл аралык метеорологиялык уюм аптап дагы кызый турганын айтты Консот чечимин кайра кароо артында эмне сыр бар?