Орусиянын президенти Владимир Путин дүйшөмбүдө, 17-июлда кечинде Крым көпүрөсүнүн жанындагы аймактардын башчылары, тиешелүү тармактын министрлери менен жыйын өткөрдү. Анда Крым көпүрөсүндөгү жардырууну "теракт" деп атап, Москва ага жооп кайтарарын билдирди. Путин Коргоо министрлиги "сунуштарды камдап жатканын" айтты.
Орус өкмөт башчысынын төрагасынын Крым маселесине жооптуу орун басары Марат Хуснуллин көпүрөнүн тирөөчтөрү жабыркабаганын, бирок аларды бириктирип турган конструкциянын бирөө толугу менен талкаланганын, кайра калыбына келтирүүгө болбосун, дагы бирөө жабыркаганын ырастады. Ал көпүрөөнүн бир тирөөчү 18-июлда бекемделерин билдирди.
Хуснуллин узундугу 250 метрди түзгөн убактылуу көпүрө куруу пландаштырылып жатканын маалымдады. Учурда көпүрө калыбына келтирилгиче айдоочуларга Украинанын оккупцияланган аймактары аркылуу каттап туруу сунушталып жатат.
17-июлга караган түнү Крым көпүрөсүндө жарылуу болуп, эки адам мерт болуп, дагы бирөө жараат алган. Белгород облусунун губернатору алар жубайлар болгонун, 14 жаштагы кызы оор жараат алып ооруканага жеткирилгенин билдирген.
"РБК-Украина" жана "Украинская правда" басылмалары коопсуздук кызматындагы булактарына таянып, Крым көпүрөсүндөгү түнкү чабуул - Украинанын Куралдуу күчтөрүнүн операциясы экенин жазган.
Дагы караңыз
Акылбек Жапаров арбитраждык соттордо кыргыз өкмөтүн жактаган юристтер менен жолукту Блогер Эртай Искаков эки айга камалдыПрезидент Жапаров мамлекеттик тил жөнүндө мыйзамга кол койду ИИМ машиненин айнегин караңгылатуу акысын арзандатууну сунуштады