30-июнда эртең менен орус аскерлери Украинанын Херсон шаарын аткылаганын облустук аскер администрациясынын башчысы Александр Прокудин билдирди.
Ал 72 жаштагы аял көкүрөгүнөн жана бутунан жараат алып, ооруканага жеткирилгенин айтты.
Орусиянын күчтөрү Херсондогу Михайловка айылын да аткылаганда 70 жаштагы жаран жараат алганын облус башчысы кошумчалады.
Херсон облусунун Украина өкмөтү көзөмөлдөгөн бөлүгүндө аткылоолордун кесепетинен карапайым тургундар каза болгон учурлар такай катталууда.
Кремль Орусия бир гана "аскердик түзүмдөргө тиешеси бар объектилерге" сокку урарын айтып келет. Ынанымдуу далилдерге карабай, Москва Украинадагы карапайым калкты атканын моюнуна албайт.
Дагы караңыз
"Асман" шаары: Элдин күткөнү эмне? Казакстанда активист Жанболат Мамайга чыккан сот өкүмү өзгөртүүсүз калтырылдыЫсык-Көлдө “Асман” шаарына капсула салуу иш-чарасы башталды Украиндердин 78% согушта каза болгон же жараат алган жакыны бар