Америкалык ырчы Мадонна кооптуу бактериялык инфекция менен ооруканага түшүп, дүйнөлүк турнесин кийинкиге калтырды. Бул тууралуу менеджери Гай Осири Instagram баракчасына жазды.
Анын айтымында, бир нече күн жандандыруу бөлүмүндө жаткан 64 жаштагы ырчынын абалы жакшырып баратат, бирок дагы эле дарыгерлердин көзөмөлүндө. Ал гастроль качан болору тууралуу кийинчерээк маалымат берилерин билдирди.
Page Six порталы жазгандай, Мадонна эс-учун жоготкон абалда 24-июнда Нью-Йорктогу ооруканага жеткирилген.
65 жаштагы Мадоннанын музыкалык карьерасынын 40 жылдыгына арналган дүйнөлүк турне 15-июлда Ванкуверде башталып, Канада, АКШ жана Европанын 35 шаарында 84 концертти камтышы керек эле. Гастролду 2024-жылдын январында аяктоо пландалган.
Дагы караңыз
Казакстанда АКШнын өтүнүчү менен "Хакер" журналынын мурдагы башкы редактору кармалдыПрокурор каза болсо төлөнүүчү кенемте 20 эсе кыскардыКраматорск калаасына урулган соккудан өлгөндөр 12ге жеттиТүмөнбаев "Азаттыктын" жабылышын колдобой турганын билдирди