Бишкекте президенттик администрациясынын имаратынын алдына Ысык-Ата районунан келген 30дай фермер сугат суунун жетишсиздигине нааразы болуп акцияга чыгышты. Алар маселени чечүүнү бийликтен талап кылышты.
Алар менен Айыл чарба министрлигинин Суу-чарба департаментинин жетекчиси Алмазбек Сокеев жолугуп, эки күндүн ичинде маселе чечилерин айткан.
Былтыр дагы Чүйдүн Новопокровка айылынын дыйкандары сугат суунун жетишсиздигинен нааразычылык акциясына чыгышкан. Министрлер кабинети 2022-жылы өлкөдөгү ирригация тармагын жакшыртууга 1 миллиард сом бөлүп, сугат суунун маселесин чече турганын билдирген.
Күн ысыгандан бери Бишкек шаарында ичүүчү суунун таңкыстыгы курч көйгөйгө айланды. Шаардын түштүк-батыш тарабындагы жаңы конуштарга суу жетпей, нааразы болгон тургундар көйгөйдү тез арада чечүүнү талап кылууда. (TSh)
Дагы караңыз
Кемпир-Абад иши: айыпталгандардын камактагы мөөнөтү узартылды